Sentâbrniñ 1-inde Ukraina prezidenti Petro Poroşenko “5 kanal” efirinde işğal etilgen topraqlarnıñ sakinlerine hitap etti. Onıñ aytqanına köre, Ukraina sakinlerniñ ve topraqlarnıñ serbest etilmesi üzerinde ep çalışmaqta.
Er kün biz, Ukraina ve ukrainliler siziñ içün tüşünemiz. Sizniñ, işğalcilerniñ avtomat ve qılınmalarına baqmadan, Ukrainağa sadıq olğanınızğa büyük qıymet beremiz
“İnanıñız, er kün biz, Ukraina ve ukrainliler siziñ içün tüşünemiz. Siziñ, işğalcilerniñ avtomat ve qılınmalarına baqmadan, Ukrainağa sadıq olğanınızğa büyük qıymet beremiz. Şahsen men siziñ cesürligiñizden ayrette qalam - Ukrainağa sevgiñiz aqqında kamera ögünde aytmaq. Menim, Kramatorsk ve Mariuplde: “Bizni qaldırmazsızmı? Mından ketmezsizmi?” dep sorağanları ömürlik hatıramda qalır. Men o vaqıt, toprağımıznıñ er adımı içün küreşecekmiz” dep söz berdim”, - dedi Ukraina prezidenti.
O hatırlattı ki, şimdi ukrain Silâlı quvetleri “Ukraina serbestligini sıñırda qorçalay”, diplomatlar ise - "Rusiyege qarşı basqınçnıñ küçleştirilmesi oğrunda er kün ciddiy iş becere, bunuñnen, işğal etilgen topraqlarnıñ qaytarılmasını yaqınlaştıra”.
Biz, er kün ukrain bayrağı, ukrain tuğrası, ukrainakimiyeti işğal etilgen topraqlarına qaytsın dep çalışamız
“Qırım işğali endi bitirilgen ve qaytarılmaz bir iş degen laflarnı men kesinliknen red etem. Tarihke köre, anşlüs degen şey devamlı olmay. Qırım - bu Ukraina. O ukrain edi ve olacaq. Rus işğalinde bulunğan bütün sakinlerimizge muracaat etem. Biz, er kün ukrain bayrağı, ukrain tuğrası, ukrain akimiyeti işğal etilgen topraqlarğa qaytsın dep çalışamız. Men ve bütün Ukraina - siznen beraber. Biz sizni iç bir vaqıt taşlamamız. İç bir vaqıt iç kimsege bermemiz”, - dep qayd etti Petro Poroşenko.
2018 senesi iyülniñ 5-inde Avropa Birliginiñ Şurası, Rusiyege qarşı sanktsiyalarnıñ müddetini 2019 senesi yanvar 31-inece uzatılacağı aqqında qarar qabul etti.
