Eski Qırımda qırımtatar faali Abdullah Yakubovnıñ evinde telükesizlik hadimleri “tahqiqat areketleri” ötkere. Bu aqta “Qırım Birdemligi” birleşmesi haber ete.
Qırım.Aqiqat olıp keçkenlerniñ inceliklerini ögrenmege tırışa.
Daa evel Aqmescit etrafındaki Kamenka qasabasında qırımtatar faali Marlen Mustafayevniñ evinde tintüv yapılğanı aqqında belli olğan edi. Daa soñra haber etilgenine binaen, tintüv Zarema Kulametovanıñ da evinde de ötkerilmekte. Onıñ qızı Riana Kulametova Qırım.Aqiqatqa bergen izaatında rusiyeli telükesizlik hadimleri anasını belgisiz tarafqa alıp ketkenleri aqqında haber etken edi.
Rusiye Qırımnı ilhaq etken soñ, mustaqil jurnalistler, cemaat ve qırımtatar Milliy areketiniñ faalleri, qırımtatar Milliy Meclisiniñ azaları ve Rusiyede yasaqlanğan “Hizb ut-Tahrir” ile alâqaları olğanında şeklengen musulmanlarnıñ evlerinde sıq-sıq tintüvler keçirip başladı.
