Aqmescit rayonınıñ Kamenka qasabasında sentâbrniñ 4-nde saba faal Marlen Mustafayevniñ evinde tintüv yapıla. Bu aqta Qırım birdemligi birleşmesi haber ete.
Faallerniñ sözlerine köre, rusiyeli telükesizlik hadimleri tintüv sebebini aytmağa red ete.
Haber etilgenine köre, soqaqta Marlen Mustafayevniñ azbar kirişini qapatqan avtozak tura.
2017 senesi fevralniñ 21-nde “ekstremistik timsallerniñ” numayışınen alâqalı dava çerçivesinde Aqmescit civarında Marlen Mustafayevniñ evinde tintüv yapılğan edi. Mustafayevge on kişi qol tutmağa kelip, olıp keçkenlerni videoğa çekkende, olarnıñ epsi tutulıp alınğan edi. Daa soñra Mustafayev 11 künge, onıñ safdaşları – beş künge tevqif etilgen edi.
Haberge ilâveler yapılacaq
