Avropalı büyük avataşıyıcısı, irlandiyalı Ryanair low-costeri (ucuz uçuşlar teklif etken), sentâbrniñ 3-nde Ukrainağa uçıp başladı.
İlk sefer Berlin Schönefeld –Kyiv arasında yapıldı ve uçaq “Borispil” avalimanına qondı. Avalimanınıñ temsilcileri aytqanına köre, Almaniya paytahtından uçqan uçaq 95% toldurılğan eken.
Azatlıq Radiosı haber etkeni kibi, Ryanair 2018 senesi martnıñ 23-nde “Kyiv” ve “Lviv” avalimanları ile muqavele imzalağan edi. O zaman şirket Kyivden Barselonağa (aftada dört sefer), Bratislava ve Wroclavqa (üç sefer), Warzawağa (dört sefer), Krakovğa (üç sefer), Poznan ve Gdansqa (ekişer sefer), Düsseldorfqa (üçer), Memmingengenge (ekişer) ve Londonğa (üçer sefer) uçmağa planlaştıra edi.
Bu vaqia aqqında özüniñ Facebook saifesinde Ukraina prezidenti Petro Poroşenko yazdı.
2018 senesi aprel ayında macaristanlı Wizz Air low-coster-avataşıyıcısı “Kyiv” avalimanından Almaniyanıñ Frankfurt am Main ve Berlin, em de Avstriyanıñ Viena şeerine üç yañı sefer açmağa planlaştırğanı aqqında aytqan edi.
