İlhaq etilgen Qırım ve Kyiv nezareti tışında qalğan Donbassta ekologik vaziyet “pek havflı” dep ayttı sentâbrniñ 1-nde Ukrainanıñ Ekologiya nazirliginiñ başı Ostap Semerak. Onıñ sözlerine köre, bunı 2017 senesi Ukraina Tabiat nazirligi ile Ukrainadaki OSCE leyhası çerçivesinde ötkerilgen ortaq teqdiqatlar tasdıqlay.
“Telüke aqqında men bu yıl Berlinde OSCE Parlament assambleyasında ve Strasburgda Ukraina-AB Birleşmesiniñ Parlament komitetinde maruza oquğan edim. Bu topraqlar azat etilip acele tedbirler körülmegence, Ukraina ve Avropa içün bunıñ neticeleri felâket ketirebilir”, – dep yaza ukrain naziri Facebookta.
MEVZUĞA DAİR: Qayğılı tahminler: Qırım ekologik felâketke doğru kete
Herson vilâyetinde, Rusiye ilhaq etken Qırımda yerleşken“Krımskiy titan” zavodı tarafından vilâyet toprtaqlarındaki suvlarnıñ kirlenüv derecesi ölçemek içün suv, topraq ve ava nümüneleri alınuvı teşkil etilgen edi.
Daa evel vaqtınca işğal etilgen territoriyalar ve devlet içinde köçken şahıslar meseleleri naziriniñ muavini Yuriy Grımçak Qırımnıñ ekologik vaziyeti “felâketli” olğanı aqqında aytqan edi.
