Link açıqlığı

Saatnıñ esas haberi

Kyiv Qırımnıñ reintegratsiya siyaseti üzerinde çalışa – Ceppar


Haber siyaseti naziriniñ birinci muavini Emine Ceppar
Haber siyaseti naziriniñ birinci muavini Emine Ceppar

Bir qaç ay devamında Ukraina ükümeti Rusiye tarafından ilhaq etilgen Qırımnıñ reintegratsiya strategiyasını tasdıqlamaq niyetinde.

Bu aqta avgustnıñ 30-nda Kyivde keçken matbuat konferentsiyasında Ukraina haber siyaseti naziriniñ birinci muavini Emine Ceppar haber etti.

“Bu vesiqanıñükümet seviyesinde ilerilemesi ve qabul etilmesi esas bir meseledir. Artıq soñki basamaqqa keldik, bu ise tasdıqlavlarnıñ üçünci raundı sayıla. Tış işleri nazirliginiñ soñki pozitsiyası qaldı. Yaqında, men bellesem bir-eki aydan soñ, vesiqa ükümet tarafından qabul etilir”, – dep ikâye etti Ceppar.

Onıñ sözlerine köre, qabul etilgeninden soñ sıradaki areket planı azırlanacaq.

2017 senesi Emine Ceppar, Qırım ve Donbassnıñ informatsion reintegratsiyası Ukraina haber siyaseti nazirliginiñ muim yönelişlerinden biri olğanı aqqında aytqan edi.

XS
SM
MD
LG