Moskva Reputation Institute halqara kompaniyası tizgen dünya şeerleriniñ reytingi cedvelinde eñ soñki 56-ncı yerni aldı.
“İtibar” reytingi “Büyük yediler” ve Rusiyede ötkerilgen 12 biñ dane ilmiy tedqiqat ve soraştıruv esasında tizildi.
Rusiye paytahtı – idare, iqtisadiyat ve etraftaki muit kibi üç unsurğa köre eñ yaramay neticeler kösterdi. Moskvağa – estetika, abadanlıq ve havfsızlıq kibi bir sıra köstergiçke köre asgariy qıymet kesildi. Tedqiqatçılarnıñ malümatına baqqanda, Moskva megopolisinde milletçilik ruhu üküm sürmekte. Vesiqağa binaen, tedqiqat neticelerine Rusiyenen bağlı umumiy “geosiyasiy kerginlik” de tesir etken.
Muelliflerniñ diqqatini çekken mesle şudır ki, G7 devletlerinden kelgen yabancılarğa nisbeten Moskva sakinleri tuvğan şeerine daa yüksek qıymet kesken. Tedqiqatçılar közetüvine köre, ekseriy allarda aksiy vaziyet ola eken: adet üzre yerli sakinleri turistlerge köre, öz şeeri aqqında ep yaramay şeyler ayta eken.
Rusiye paytahtını 51,3 ball Kahire, Mexico, New-Delhi ve İstanbulnı ozıp keçken.Yaponiya paytahtı Tokio - reytingniñ lideri olıp 81,8 ball toplağan. Ondan soñ Sidney ve Kopenhagen kele. Olardan ğayrı top-10 reytingine Vienna, Stockholm, Venezia, Rome, Zürich, München ve Monreal kirdi.
