Link açıqlığı

Saatnıñ esas haberi

Jumadilov Erdoğan içün azırlanğan ukrain siyasiy mabüsleriniñ cedvelini tizüv incelikleri aqqında ikâye etti


Arsen Jumadilov
Arsen Jumadilov

Qırımtatar Milliy Meclisi reisiniñ mesleatçısı Arsen Jumadilov Nostoyaşeye vremya leyhası muhbirine bergen izaatında Türkiye prezidenti Recep Erdoğan içün ukrain siyasy mabüsleriniñ cedvelini tizüv incelikleri aqqında ikâye etti.

“Cedvelge 99 kişi kirdi. Olar arasında apishanede yatqan, SİZOda tutulğan ya da Rusiye ve Qırımda tahqiqat altında bulunğan şahıslar bar. Cedvel üzerinde ombudsmen Lüdmila Denisova ve onıñ Qırım boyunca temsilcisi olğan İsmail Halikov çalıştı. Cemilev ilk-evelâ Sentsov, Kolçenko ve Server Mustafayevniñ azat etilmesinde israr etecek”, - dedi o.

Daa evel Türkiye prezidenti Recep Tayyip Erdoğan qırımtatarlarnıñ lideri Mustafa Cemilevden Kreml tutqan ukrain mabüsleriniñ cedvelini taqdim etmege rica etken edi ve bu hususta “Putinnen laf etecegine” söz bergen edi.

Mevzuğa dair: ”O dey ki: “Ana, bu menim”. Menim ep közyaşlarım aqa” – Lüdmila Sentsova oğlunen qonuşqanı aqqında

Bıltır oktâbr ayında Rusiye tarafından ilhaq etilgen Qırımda mahküm etilgen Qırımtatar Milliy Meclisi reisiniñ muavinleri Ahtem Çiygoz ve İlmi Umerov Türkiyege teslim etilgen edi. Ğayrı resmiy malümatqa köre, Ahtem Çiygoznen İlmi Umerovnıñ teslim etilmesi boyunca Türkiye Cumhuriyetiniñ prezidenti Recep Tayyip Erdoğannıñ Rusiye prezidenti Vladimir Putinnen yapqan soñki körüşüvi esnasında añlaşqanlar.

Uquqimayecilerniñ malümatına binaen, Rusiye ve o ilhaq etken Qırımda 60-tan ziyade Ukraina vatandaşı siyasiy sebeplerden dolayı serbestlikten marum etilgen buluna. Ukraina Tış işleri nazirligi Rusiyege, anda tutulğan ukrainalılarnı azat etmesi talabınen 300-ge yaqın nota yolladı.

XS
SM
MD
LG