Link açıqlığı

Saatnıñ esas haberi

Yaqında başlı ve büyük uruşlar keçecek – boksçı Artur Ziyatdinov


Artur Ziyatdinov (ortada)
Artur Ziyatdinov (ortada)

Qırımtatar asıllı professional-boksçı Artur Ziyatdinov aveskârlıq boksında 140 dane uruş keçirdi 120 danesinde ğalebe qazandı. 2017 senesi Artur professional boksqa keçe. Canadalı promouter şirketinen muqavele imzalay. Al-azırda Artur Canadanıñ Monreal şeerinde yaşay. Onıñ nevbetteki uruşı sentâbrniñ 7-nde keçecek. Özüniñ sport karyerası ve ayatı aqqında Artur Qırım.Aqiqatqa bergen intervyusında ikâye ete.

– Artur, siz ne yerde doğdıñız, Qırımğa nasıl etip keldiñiz?

– Taşkentte doğdım, 2008 senesi Aqmescitke köçip keldim.

– Sport avesligi ne zaman peyda oldı?

– Sportnen balalığımda oğraşıp başladım, lâkin iç bir yerde üç aydan ziyade qalmay edim ve esasen, birge-bir küreşlerniñ farqlı çeşitlerinen oğraştım.

– Boksnen ne vaqıt oğraşıp başladıñız? Ocañız kim edi?

– Boksnen 2010 senesi oğraşıp başladım, idmancım Lapin Sergey Yuryeviçedi.

– Aveskârlıq boksında nelerge nail oldıñız?

Defalarca Ukraina biriciliginiñ ğalibi, Avropa birinciliginiñ tunç medal saibi oldum

– Aveskârlıq boksında defalarca Ukraina birinciliginiñ ğalibi, Avropa birinciliginiñ tunç medal saibi, çeşit turnirlerniñ ğalibi ve medal saibi oldım, Ukraina ve Rusiye sport ustasım.

– Ne sebepten professional boksçı olmağa qarar berdiñiz?

– Başından berli men zaten professional boksnı seve edim. 16 yaşından berli men professional boksçı olurım dep hayal etip keldim.

– Promouteriñiz kim?

– Promouterim Kamill Estefan. O, «Eye of the tiger management» şirketiniñ promouteri ola.

– Professional karyerañız yahşı devam etemi?

– Porfessional ringte altı dane uruş keçirdim.Beş danesini nokautnen bitirerek, epsinde ğalip çıqtım.

– Rentingkke köre qaçıncı yerdesiñiz?

90,7 kgğace olğan ağır çekidekiler dünya reytinginiñ 159 yerinde turam

– 90,7 kgğace olğan ağır çekidekiler dünya reytinginiñ 159 yerinde turam.

– Yaqında başlı uruşlar olacaqmı?

– Allah qısmet etse yaqındı başlı ve büyük uruşlar keçecek.

– Canadağa ne sebepten köçtiñiz?

– Canadalı şirket professional boks saasında kontrakt imzalamaqnı teklif etti. Oqup çıqqan soñ, begendim.

– Bu devlette nelerni begenesiñiz?

– Bu devlette yaşağan insanlarnıñ mentaliteti ve istiqrarnı begenem.

– Qırımtatar diasporasınen körüşesiñizmi?

– Ğarpta men pek çoq qırımtatarnen tanıştım.

– Qırımğa barıp turasıñızmı?

– Vatanımğa sıq barmağa sıra tüşmey, lâkin kim olğanımnı asla unutmayım.

– Qırımnıñ ne yerinde raatlanmağa sevesiñiz?

– Deñizde, hususan yarımadanıñ ğarbiy sailinde.

– Boş vaqtıñız nasıl keçe?

– Boş vaqtımnı ailem ve yaqınlarımnen beraber keçirmege areket etem.

– Bokstan ğayrı başqa zenaatıñız barmı?

– Ebet, uquq fakultetiniñ beşinci kursında oquyım.

– Semetdeşiñiz Oleksandr Usikniñ Murat Gassiyevnen keçirgen uruşına nasıl qıymet keser ediñiz?

– Oleksandr Usik ve onıñ taqımı mukemmel bir iş yaptı, doğru strategiyanı belgilediler ve bilgenimiz kibi neticesi - ğalebenen yekünlendi! Bu uruşqa baqıp bir çoq boksçı Murat Gassiyev kibi bir raqip, bir boksçınen nasıl uruşmaq kerek olğanını ögrenmesi mumkün.

XS
SM
MD
LG