Rusiye baş naziriniñ muavini Olga Golodets, bıltırğa köre Qırımğa kelgen turist sayısı 25 faizge artqanını bildirdi. Bu aqta o Aqyarda yañı kompleks taqdim etilgen vaqıtta Rusiye prezidenti Vladimir Putinge bildirdi dep haber ete Kremlniñ matbuat hızmeti.
“Turist sayısı kün sayın arta. Qırım köprü açılğandan berli onıñ üstünden 1,5 million turist keçti. Yedi ay içinde Qırım toprağına kelgen turist sayısı 26 faizge artqanını köremiz”, - dedi o.
Avgustnıñ 1-nde “Krımskiy most” informatsion merkezi haber etkenine köre, 2018 senesi mayısnıñ 16-nda Keriç boğazında köpür açılğan soñ onıñ üzerinden eki yönelişte 1,44 mln maşna keçken.
Rusiye tarafından tayin etilgen Qırım kurortlarınıñ naziri Vadim Volçenko aytqanına köre, bu yıl başından itibaren iyülniñ 25-ne qadar Qırımnı 3 million 281 biñ turist ziyaret etken. Memurnıñ malümatına köre, keçken sene aynı müddetinen qıyaslansa, bu raqam 25%ge artqanı körünmekte.
