«Yedinaya Rossiya» firqsınıñ reytingi 37,1%ge tüşti, dep haber ete Bütünrusiye ictimaiy fikirni ögrenüv merkezi (VTSİOM).
«Yedinaya Rossiya» reytingi ükümet QFB bergisini 18%den 20%gece köterecegi ve pinsiya yaşını qadınlar içün 63, erkekler içün 65 yaşınace köterecegi aqqında ilân etkeninden soñ tüşip başlağan. Bu yılnıñ başından berli o 16%ge tüşken.
Devlet duması tarafından birinci oquvdan soñ qabul etilgen pensiya islâhatı içün, Qırımnıñ sabıq prokurorı Natalya Poklonskayadan ğayrı, «Yedinya Rossiya» adından oturışuvda iştirak etken bütün deputatlar rey bergen.
Mevzuğa dair: «Men Qırımnı qaytardım! Ya sen ne yaptıñ?» Natalya Poklonskaya Devlet dumasındaki yeri içün «Yedinaya Rossiya»nen nasıl küreşe
Sotsiologlar qayd etkenine köre, «Yedinaya Rossiya»nıñ itibarı 2011 senesi dekabr ayında – Devlet duması saylâvlarında yapılğan sahtecilikten soñ (34,4%) eñ aşağı köstergiçke tüşen eken.
