İyülniñ 30-nda ötkerilgen Qırım parlamentiniñ nevbetten tış otuırışuvında Qırımdaki almanlar Milliy-medeniy muhtariyetine yolbaşçılıq etken Yuriy Gempelni parlametniñ milletlerara munasebetler komitetiniñ başı etip saylâdı.
Bunen bağlı malümat Qırım parlamentiniñ saifesinde derc etildi.
Gempelniñ namzetini daa evel Qırım spikeri Vladimir Konstantinov teklif etken edi.
Milletlerara munasebetler komitetiniñ sabıq yolbaşçısı Edip Gafarov rusiyeli Qırım baş naziriniñ muavini vazifesine tayin etildi.
İyülniñ 23-nde Kreml nezareti altındaki Qırım parlamenti baş naziriniñ muavini Remzi İlyasov istifa arizası yazğan edi.
Yuriy Gempel 1957 sensi martnıñ 19-nda Çerkassı vilâyetinde dünyağa kele, 2000 senesi Moskvada Devlet uquq akademiyesınıñ ğıyabiy bölügini bitire. 2000 senesi Yuriy Gempel «Qırım almanlarınıñ Vidergeburt cemiyeti»ne yolbaşçılıq etip başlay.Milletlerara munasebetler komiteti yolbaşçısınıñ muavini vazifesine Gempel 2016 senesi aprel ayında tayin etilgen edi.
