Ukrainanıñ qıta qısmında ötkerilgen «Birlik motoyürüşi»niñ iştirakçileri, Qırım memuriy sıñırına kelip çıqtılar.
İyülnin 28-nde Qırım.Aqiqat muhbiri haber etkenine köre, baykerler Ukraina baykerler klubları tarafından imzalanğan qırımtatarlarnıñ milliy bayrağını qırımtatar faallerini teslim etken.
Bundan da ğayrı baykerler «Çonğar» kiriş-çııqış noqtasını ziyaret etken soñ, Qırım vatandaş blokadası aktsiyası keçken territoriyadaki iştirakçilerniñ yanına kelip, formatnı deñiştirdiler.
Qırım.Aqiqat muhbiriniñ malümatına köre, baykerler qırımtatar yemeklerinen sıylânğan. «Asker» vatandaş birleşmesi, «Volontör» cemaat teşkilâtı, yerli akimiyet ve qırımtatar meclisleriniñ temsilcileri motoyürüşke qol tutıp, bahşışlarnen deñişke ve minnetdarlıq sözleri aytqanlar.
Aktsiya teşkilâtçılarından biri olğan Nikolay Spiridonov Herson vilâyeti regional meclis temsilcilerine bayker klubları tarafından imzalanğan qırımtatar bayrağını taqdim etti.
Baykerler Ukraina devlet bayrağı ile qırımtatar milliy bayrağınen beraber Ujgoroddan başlap, Ternopil, Vinnıtsya, Jitomir, Kyiv, Poltava, Dnipro, Volnovaga ve Mariupol şeerilerinden keçecek motoyürüş ötkereler.
Aktsiya Hortitsa adasında yekünlenmesi qararlaştırıla.
Teşkilâtçılar öz aktsiyasınen milliy ve diniy mensubiyetleri qatiy nazar ukrainalılarnıñ birligini numayış etmek niyetindeler.
Halqara cemaatçılıq Qırımnıñ işğali ve ilhaqını qanunsız dep tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
