AQŞ Devlet departamenti Washingtonda Ukraina prezidentiniñ qırımtatar halqı işleri boyunca vekâletlisi, Ukraina halq deputatı Mustafa Cemilevni selâmladı denilmekte AQŞ Devlet departamentiniñ spikeri Heather Nauertniñ Twitterinde.
«Washingtonda qırımtatarlarnıñ lideri Mustafa Cemilevni «IRFMististerial» konferentsiyasında selâmlamağa pek memnünmiz. Biz Rusiye işğali altında yaşağan qırımlılarnen berabermiz ve Rusiyeni bütün siyasiy mabüslerni azat atmesine çağıramız. #SaveOlegSentsov #FreeKuku #FreeZaytullaev», – denilmekte haberde.
Daa evel Mustafa Cemilev AQŞ devlet kâtibiniñ yardımcısı Wesley Michellden AQŞnıñ Qırım siyaseti boyunca derc etken Beyannamesini alğan edi.
Mevzuğa dair: Tanımamız: bağışlamammız: Qırım ilhaqı içün AQŞ Rusiyeni tazirledi
İyülniñ 25-nde AQŞ-nıñ devlet kâtibi Mike Pompeo “Qırım beyannamesi”ni derc etti. Beyannamede AQŞ Rusiye Qırımnı ilhaq etkeni iç bir vaqıt tanımaycağı aqqında bildirile. Pompeo, AQŞ ileride de Ukrainanıñ devlet bütünligini yañıdan tiklenüvini talap eteceklerini bildirdi.
Rusiye Tışqı işler nazirligi, Pompeonıñ beyannamesi boyunca, AQŞ tış siyaseti istiqrarsız olğanını belgiledi.
