2016 senesi mayıs ayında Bağçasarayda hırsızlanğan Butündünya qırımtatar kongressi icra komitetiniñ azası Ervin İbragimovnı rusiyeli telükesizlik hadimleri qorquzğan ekenler. Bu aqta Qırım.Aqiqatqa onıñ babası Umer İbragimov ikâye etip berdi.
«Yaqında vaqıtta yañı bir haber aldım. Meger mahkeme keçken vaqıtlarda (ilhaq etilgen Qırımda – QA) onıñ yanına FSBciler kelerek, çetke çekip ya qorquzğan ya da işbirlik yapqanını istegenler. Temellisini bilmeyim. O, red etkende: «Sen qorqmaysıñmı? Seniñ qız ve oğlan qardaşlarıñ bar, degenler», – dep ikâye ete Umer İbragimov.
Mevzuğa dair: «Hırsızlanğan Ervin İbragimovnıñ babası: «Oğlumnı körerim degen ümütnen yaşayım»
Onıñ sözlerine köre, Ervin bunı tek dostlarına aytqan «belki de qorantası eyecanlanğanını istemegendir».
Dünya qırımtatar kongressi icra şurasınıñ azası Ervin İbragimov 2016 senesi mayıs ayında Bağçasarayda belgisiz insanlar tarafından hırsızlandı. Video nezaret kamerası Rusiye yol inspektorları urbasındaki eki kişi İbragimovnıñ maşinasını toqtatıp, onı mikroavtobusqa çekip kirsetkenini qayd ete.
Qırım uquqimaye gruppası bu hızrsızlıqqa rusiyeli akimiyet ya da paramillitar gruppalarnıñ alâqası bar olğanını iddia ete.
Qırımdaki Rusiye Taqiqat komitetiniñ Rusiye idaresi hırsızlıq boyunca cinayet işi asqan olsa da, ale bu küngece Ervin İbraimov ne yerde olğanına dair malümat yoqtır.
