İyülniñ 26-nda ilk malümatqa köre, Qırımnıñ Qarasuvbazar rayonı Qışlav köyüniñ bir qaç evinde tintüvlet ötkerile. Bu aqta «Qırım birdemligi» teşkillâtınıñ Facebook saifesinde haber etile.
«İlk malümatqa köre, Qarasuvbazar rayonı Qışlav köyüniñ iç olmağanda üç qırımtatarnıñ evinde tintüvlet ötkerile», – denilmekte haberde.
Aynı zamanda qırımtatar faali Zair Smedlâyev Qışlav köyündeki tüntüv Umer Abduveliyevniñ evinde ötkerile dep qayd ete.
Qırım.Aqiqat olıp keçkenlerniñ inceliklerini ögrenmege areket ete. Al-azırda yarımadanıñ rusiyeli akimiyeti iç bir malümar bermedi.
Rusiye Qırımnı ilhaq etken soñ, mustaqil jurnalistler, cemaat ve qırımtatar Milliy areketiniñ faalleri, qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirip başladı.
