Qırım MC prokuraturası Qırım «samooboronası», rusiyeli «Noçnıye volki» teşkilâtı ve diger qanunsız teşkilâtlarnıñ temsilcileri işlegen cinayetlerniñ tahqiqatını Qırım MC Milliy politsiya idaresi, SBU idaresi aralarında areketlerni uyğunlaştırmaq ve malümatnen teminlevni yoluna kirsetmek kerekliginde israr ete.
Prokuror muavini İgor Ponoçovnıy, 2018 senesi altı ay içinde Qırımda işlengen cinayetler ve olarnıñ tesbiti boyunca Qırım uquqqorçalav organlarınıñ koordintsion oturışuvında böyle bir beyanat yaptı.
Mevzunen bağlı: «Samvelni» tapmaq: «qırım opolçeni» ne içün halqara qıdıruv cedveline kirdi
Qırım Muhtar Cumhuriyeti prokuraturasınıñ matbuat hızmeti haber etkenine köre, uyğunlaştırılğan tahqiqat ötkerilecek qanunsız teşkilâtlar cedveline «Kazaki», «Narodnaya drujina», «Rubej» ve başqaları kire.
Qırım «Samooboronası» yarımadada ilhaqtan evel peyda olıp, Rusiye ilhaqına yardım etken edi. 2014 senesi iyünniñ 11-nde Kreml nezareti altındaki yarımada parlamenti bu teşkilâtnı qanuniyleştirip, kerekli qanun qabul etti.
