ABD Kongressi 2019 maliyeviy yılda Ukrainağa yardım etmekni tevsiye etti. Bu aqta 2018 senesi oktâbrniñ 1-nde başlanacaq kelecek madafaa bücetiniñ maliyeviy senesinen bağlı maruzada söz yürsetilmkte. Bücet leyhasını Kongressniñ eki palatası da tasdıqladı.
«Prezident istegini, şu cumleden uçucı mudafaa silâları içün 250 million dollar ayıruvnı finansirlemek», – denilmekte vesiqada.
Ayrıca Kongress Pentagonnıñ Rusiye mudafaa nazirliginen işbirlik yasağını uzattı. Vesiqa, hususan, Moskva ve Washington arasındaki arbiy isbirlikniñ finansirlenüvini yasaqlamağa tevsiye ete. Faqat ABD mudafaa naziriniñ muayyen buyruqları istisnadır.
Keçken afta ABD mudafaa nazirligi, işbirligi ve devlet havfsızlığını pekitüv programması çerçivesince Ukrainağa 200 million dollar berecegine dair qararnı tasdıqladı. Amerikan arbiy muessisesiniñ malümatına binaen, bu paralar«Ukraina arbiyleri içün ilâve meşğuliyetler keçirmek, arbiy tehnika satıp almaq ve Ukraina ordusınıñ mudafaa qabiliyetini quvetlendirmek içün arbiy mesleatçılar faaliyeti» içün qullanılmaq kerek.
Böyleliknen, 2014 senesinden başlap bu küngece, Ukrainağa berilgen amerikan arbiy yardımınıñ miqdarı 1 millard dollarnı teşkil etecek.
