İyülniñ 21, cumaertesi künü, Büyük Britaniya arbiy ava quvetleriniñ Raytheon Sentinel R1 uçağı ilhaq etilgen Qırım ve Krasnodar ülkesi sailinde ava hafiyeligi ötkerdi. BunıPlane Radar monitoring resursı bergen malümat tasdıqlay.
ZJ691 sanlı bort nomerge saip uçaq Akrotiri (Qıbrıs) arbiy bazasında çıqqan. Resurs derc etken haritada uçaq eki defa Qırım saili yanından uçıp keçkeni körünmekte.
İyülniñ 9-nda Qara deñizde ukrain-amerikan «Sea Breeze-2018» arbiy talimleri başlandı. Teşkilâtçılardan ğayrı, talimlerde Bulğaristan, Büyük Britaniya, Gürcistan, Yunanistan, Danimarka, Estoniya, Hindistan, İtaliya, Canada, Litvaniya, Moldova, Norvegiya, BAE, Poloniya, Romaniya, Türkiye ve İsveç kibi 17 devlet iştirak ete. Umumen talimlerge 2000den ziyade kişi celp etildi.
