Link açıqlığı

Saatnıñ esas haberi

Ukraina naziri Keriç köpüri içün Rusiyege «şefqatsız ödeşüv» sözü berdi (+ video)


Ukraina infraterkip naziri Volodımır Omelyan
Ukraina infraterkip naziri Volodımır Omelyan

Ukraina memurları Azaq deñizini bloklağanı içün Rusiyeniñ Qara deniz limanlarına qarşı sanktsiyalar kirsetilgenini istey. Ukraina infraterkip naziri Volodımır Omelyan bu aqta «112.Ukraina» telekanalınıñ efirinde ayttı.

«Bizim avropalı ve amerikalı ortaqlarımıznen beraber, Azaq deñizi ve Azaq deñizindeki ukrain limanlarını bloklağanı içün Rusiyeniñ Qara deñiz limanlarına qarşı kerek sanktsiyalar kirsetilüvinen bağlı körüşüvler keçiremiz», – dedi nazir.

O, ayrıca, Keriç köpüri qurğanı içün «rusiyeliler paalı fiyat töler» dep ilâve etti.

Mevzunen bağlı olaraq: Keriç köpüri Ukrainanıñ havfsızlığına bir telükedir teşkil ete – Turçinov

«Körgenimiz qadar, sanktsiyalar dalğası eksilmeden, aksine ep artıp bara. ABD Kongressiniñ sanktsiyalar cedvelini keñleştirüv ve umumen Rusiyeni terrorizmge sponsorlıq yapqan devlet sıfatında tanılma ihtimali, butün vahşiyliklerine yeterli derecede cevap bergenden köre ziyade bir şey. Köpür qurulışınen oğraşqan AB altı kişi, zaten sanktsiyalar altında olğanını köremiz», – dep ilâve etti Omelyan.

Ukraina memurları, Rusiyeniñ sail muafızları Keriç boğazıniñ kirişinde gemilerni eñqastan totqanları aqqında ayta.

Ukraina Devlet sıñır hızmeti rusiyeli hızmetler Keriç boğazından keçken «gemilerni qaba bir şekilde toqtatıp nezaret etkenerini» bildire. Devlet hızmetiniñ haberine köre, aprelniñ 30-ndan başlap, nezaret ve gemi ekipajınıñ şahsiyetini tayinlemek maqsadınen Rusiyeniñ mahsus hızmetleri gemilerni er kün toqtata eken.

Mayısnıñ 16-nda rusiyeli memuriyet Keriç boğazı üstünde qurulğan köpürniñ avtoyol qısmı yengil avtomobillerniñ areketi içün açıldı. Köpürniñ demiryol qısmı şimdilik qurulıp bitirilmedi.

Ukraina prezidenti Petro Poroşenko, Rusiye ilhaq etken Qırımda Keriç köpüriniñ qurğanı Kremlniñ halqara uquqqa sayğısızlıq köstergeniniñ nevbetteki misali olğanı aqqında aytqan edi.

Avropa birligi Rusiye ve ilhaq etilgen Qırım arasında qısmen açılğan Keriç köpürini tanqit etken edi.2014 senesi Qırım ilhaq etilgen soñ, Ukraina Rusiye ile tizilgen köpür qurulışınen bağlı muqaveleden çıqtı.

İyünniñ 18-nde Avropa Birliginiñ Şurası Rusiye ilhaq etken Qırımğa qarşı kirsetilgen sanktsiyalarnı bir yılğa uzattı. Sıñırlavlar AB territoriyasında bölükleri olğan şahıs ve şirketlerge nisbeten kirsetilip, 2019 senesi iyünniñ 23-ne qadar devam etecek.

İyülniñ 18-nde AB azaları olğan devletlerniñ elçileri Keriç köpüriniñ qurtucılığına alâqası olğan 6 şahısqa qarşı hususiy sanktsiyalar kirselecegine dair qarar qabul etti.

XS
SM
MD
LG