İyülniñ 18-nde Rusiyeniñ Sankt-Peterburg şeerinde 10 faal qırımtatarlarğa qol tutmaq içün Nevskiy caddesine çıqtı ve aktsiaya aynı zamanda, Rusiye apishanesinde tutulğan ukrian rejissörı Oleg Sentsovnıñ azat etilmesini talap etken ve butün dünyada devam etken SaveOlegSentsov narazılıq aktsiyası çerçivesinde de ötkerildi.
Piket teşkilâtçılarından biri Peterburgnıñ «Solidarnost» demokratik areketiniñ faali Olga Smirnova eki mesele de biri-birine bağlı dep saya. Bundan da ğayrı, piket iştirakçileri 35 künden berli devam etken Yaltalı «Hizb ut-Tahrir» işiniñ iştirakçisi Emir-Usein Kukuğa diqqat çekti.
Faaller qırımtatarlarnıñ taqip etilüvi bitirilgenini ve aytınıñ saqlanıp qalmasına sebep olacaq Sentsovnıñ şartları becerilgenini talap etti. Faallerniñ talapları arasında, olar repressiyalarnıñ ilk sebebi dep sayğan ve dünya cemaatçılığı tarafından tanılğan Rusiye Ukraina arasındaki sıñırnıñ tiklenmesi de bar edi.
Azatlıq Radiosınıñ rus hızmeti haber etkenine köre, teşkil etilgen piketler er yerde raat keçmegen. Fontanka sailinde turğan faalge yoldan keçken agressiv birisi atılıp, elinden plakatnı çekip alğan ve yırtaraq, Fontankağa atqan.
Piketler pensiya islâatına qarşı çıqqan şahıslar peyda olğan maalde biraz kesilgen. İşbu aktsiyağa, pensiya yaşı artacaqını köstermek maqsadınen başına «qırmızı şeritler» bağlayaraq, elinde plakat olmadan Nevskiy caddesine çıqqan bir qaç solcı ve sağcı firqa ve areketlerniñ 200-ge yaqın temsilcisi tarafından teşkil etilgen.
OMON ruhsetsiz yapılğan yürüşni blok etip, 10 kişini tutıp alğan. Sentsov ile qırımtatarlarnı desteklev aktsiyasınıñ iştirakçileri,«pensiya kezintisi» kün tertibindeki iştirakçilerniñ talaplarnı siyasiy ceetten yañlış dep sayıp, olarğa qoşulmağan olsa da, çeşit fikirge saip insanlar aktsiya keçirmege aqqı olğanını esapqa alaraq, öz aktsiyasını bitirip, tutulıp alınğan insanlar artından politsiyanıñ 78-nci bölügine yol alğanlar.
