Qırımtatar yırcısı Elzara Batalova, Ukraina akimiyeti ilhaq etilgen Qırım
oğrundaki küreşniñ “mefküreviy qısmına” az diqqat ayıra dep saya Onıñ
fikrine köre, insanlarğa vatan ğururını aşılamaq içün, icatkârlıqnıñ inkişafına
küç ve para yatırmaq kerek. Bunı o Qırım.Aqıqat Radiosı efirinde ayttı.
“Yazıq ki, telekanallarımızda “boşboğazlıq”, saylav aldı kampaniyalar yayın
etile, lâkin halqnıñ mefküre ceetinden ruhlandırılmaq, ilhamdırılmaq, qanat
berip, medeniyet vastasınen til tapıp añlaşmaq, yüz bergen meselelerniñ
çezilüvine kerek derecede diqqat ayırılmay”, dep qayd etti yırcı.
Batalovanıñ sözlerine köre, “Bumboks” taqımınıñ iştirakçileri, Qırım memuriy
sıñırında siyasiy mabüslerge qoltutuv kontsertini bergende, özlerini “muzıka
diplomatları” kibi tuttı.
İyülniñ 19-ına aqşam Qırım memuriy sıñırında “Kalançak” keçirüv noqtasınıñ yanında “Bumboks” taqımı çıqışta bulundı. Sana ilhaq etilgen Qırım
tarafına baqtırılıp qoyulğan edi.
