Link açıqlığı

Saatnıñ esas haberi

Senator McCain Trumpnıñ Helsinkide ötkergen matbuat konferentsiayasını tenqit etti


John McCain
John McCain

Cumhuriyetçi-senator John McCain Helsinkide ABD prezidenti Donald Trump ve onıñ rusiyeli zenaatdaşı Vladimir Putin ötkergen matbuat konferentsiyasını tenqit etip çıqtı.

Cumhuriyetçi-senator işbu matbuat konferentsiyasını «amerikan prezidentiniñ yapqan eñ masqara çıqışı», Helsinki sammitini ise, «facialı hata» dep adlandırdı.

McCain, Trump «añlaşıla, onıñ kerçek tabiatı, qomşularınıñ mustaqilligini esapqa almağan, Suriye halqınıñ öldürilüvinde iştirak etken, halqara añlaşmalarnı bozğan ve butün dünyanıñ demokratik qurulışlarına ücüm etken Putin rejiminen bağlı yahşı munasebetler hayallarını amelge keçirmege qarar berdi».

ABD prezidenti Donald Trump rusiyeli zenaatdaşı Vladimir Putinnen körüşken soñ, keçmişke bağlı qalmamadan – Rusiye ve ABD uzlaşmaq kerekler dedi.

Mevzunen bağlı olaraq: «Putin Amerikanıñ dostu degil» – ABD senatorı.

İyülniñ 16-nda Helsinkide Trump ile Putin arasında körüşüv keçti. Matbuat konferentsiyası devamında Trump bir kere de olsa Ukraina lafını açmadı, albuki körüşüvden evel taraflar, diger mevzularnen biraber Ukraina aqqında da laf etecekler denilgen edi.

XS
SM
MD
LG