Kyivniñ «Jovten» kinoteatrinde qırımtatar «Hıdır-dede» masal-filminiñ kösterilmesi planlaştırıla, dep tasdıqladı Qırım.Aqiqatqa kinoteatrniñ matbuat hızmeti.
Bu arada kinoteatr hadimleri temelli künü kesilmegeni, çünki «başlanğıç añlaşmalar bar, lâkin kösterilecek künü belli degil», dep qayd etti.
İyülniñ 16-sı bazaertesi künü «Hıdır-dede» filminiñ rejissörı Dlâver Dvaciyev özüniñ Youtube kanalında, avgust ayınıñ başında «Jovten» kinoteatrinde kösterilecegine dair qırımtatar masalınıñ treylerinen bağlı ilk malümatnı derc etti.
«Hıdır-dede» Ukrainadaki premyerası iyülniñ 1-nde Kyivniñ «Jovten» kinoteatrinde, paralel olaraq, Aqmescitte de kösterilgen edi.
Mevzu boyunca: «Film tamam noqtasına tüşti»: qırımtatar «Hıdır-dede» masalını ne içün seyir etmeli
Qırımnıñ Qaradeniz Production studiyası «Hıdır-dede» bediiy masal-filminiñ çekişlerini yekünledi. Çekiş eyyeti Bağçasaray, Kezlev, Sudaq, Büyük Özenbaş, Büyük Derede, em de ayrıca ev-muzeylerde ve ğayrıdan tiklengen qırımtatar çiftliklerinde çalıştı.
Filmniñ stsenariyi üzerinde qırımtatar jurnalisti Lilâ Bucurova, yazıcı ve televizion alıp barıcısı Oleksa Gayvoronskiy çalıştılar.
