Link açıqlığı

Saatnıñ esas haberi

Kremlde senator John Kennedyniñ Rusiye akimiyetini mafiyanen qıyaslavnen bağlı sözleri aqqında, «rusofobiya» ve stereotiplerniñ numayışı dep ayttılar.

Azatlıq Radiosı Rusiye prezidentiniñ temsilcisi Dmitriy Peskovnıñ: «Bizler gülgülli közlük taqmaymız ve amerikan isteblişmenti: a) stereotipler esaretinde ve b) küçlü rusofobiya tazyığı altında bulunğanını añlaymız», - degen sözlerine bildire.

Aynı zamanda o, «olar ne manada aytılğanını» bilmegeni içün «böyle bir sözlerni añlamaqta zorlanğanını» ayttı.

Amerikan senatorlar eyyeti iyünniñ 30-ndan iyülniñ 4-ne qadar Mosvanı ziyaret etken ediler. Bu zaman içinde olar, şu cumleden Rusiye tış işleri naziri Sergey Lavrov ve Devlet dumasınıñ spikeri Vyaçeslav Volodinnen bir qaç körüşüv keçirgen ediler. Kreml amerikan memurlarınıñ ziyaretinden «pek memnün qalğanını» bildirgen edi.

Daa soñra kongressmenlerniñ özleri, Moskvada keçken iç bir körüşüv qolay ve hoş olmağanı, Qırım ilhaqı, Donbasstaki cenk, Suriyedeki çatışma ve Rusiyeniñ amerikan saylâvlarına qarışqanınen bağlı meseleler muzakere etilgende Kreml munaqaşanıñ manasını bozğanı aqqında aytqan ediler. Senator Kennedy Kremlnen iş tutmaq -«mafiyanen iş tutmaqqa» beñzey degen edi.

XS
SM
MD
LG