Amerikalı senator-cumhuriyetçi John Neil Kennedy (Louisiananı temsil ete) keçken afta Rusiyeni ziyaret etken soñ, devlet prezidenti Vladimir Putinge «inanmağa olmay» dep, Moskvanen yapılğan körüşüvlerni mafiyanen yapılğan körüşüvlernen qıyasladı.
Kennedyniñ sözlerine köre, o körüşüvniñ rusiyeli iştirakçilerini, şiddetli bir tarzda, noyabr ayında ötkerilecek amerikan Kongress saylâvlarına qarışmaqnı aqqıllarına bile ketirmemelerini tenbiyelep, aks taqdirde «evelkisine köre, daa da küçlü sanktsiyalarnen» darbe endirecegini ayttı. O, rusiyeli subetdeşlerine, Rusiye «ğarbiy Ukraina ile Qırımnı terk etip», olarğa kelecegine özleri qarar bermesine imkân bermeli dep ayttı.
Amerikan siyasetçileri Rusiye tış işleri naziri Sergey Lavrov ve Rusiye deputatlarınen körüşti. Kennedy aytqanına köre, körüşüvni ABDniñ Rusiyedeki elçisi Jon Huntsman teşkil etken.
Neticede senator, Rusiyede ötkerilgen körüşüvler pek «kergin» keçti dep, Lavrovnıñ «qavğacı» olğanını ayttı.
«Rusiyede siyasiy felsefe yoq. Bu mafiya içindeki siyasiy felsefesi aqqında aytılğanı kibidir.Putinniñ felsefesi – para ve akimiyet demek. O, bir diktator kibi, demir qolnen idare ete», – dep qayd etti Kennedy.
Onıñ sözlerine köre, Putinge işanmağa olmay, onı yalıñız «bastırmağa areket etip baqmaq mumkün eken».
Ayrıca Kennedy, Rusiyede serbest matbuat olmağanı ve zenginler ile adiy vatandaşlar arasında uçurımlar olğanı aqqında ayttı.
O, ayrıca, Trump ve Putin arasındaki körüşüvden soñ, diplomatik oñğanlıq olacağını beklmegenini bildirdi.
Cumhuriyetçi firqa temsilcilerinden teşkil olunğan amerikan kongressmenleri ve senatorlar eyyeti iyünniñ 30-ndan iyülniñ 4-ne qadar Rusiyeni ziyaret etken ediler. Ziyaret, iyülniñ 16-nda Helsinkide ABD ve Rusiye prezidentleri Donald Trump ve Vladimir Putin ötkerecek körüşüvinden evel keç
