Link açıqlığı

Saatnıñ esas haberi

Ukrainanıñ UNESCO işleri boyunca milliy kommissiyası Qırım ve Donbasstaki obyektler sicilini azırlay


Han Sarayı, Bağçasaray, 2018 senesi aprel ayı
Han Sarayı, Bağçasaray, 2018 senesi aprel ayı

Ukrainanıñ UNESCO işleri boyunca milliy komissiyası ilhaq etilgen Qırım ve Dondassnıñ muzey fondlarında bulunğan köçken ve köçmegen abideler ve obyektler sicilini azırlamağa qarar berdi.

Bu aqta Ukraina tış işleri nazirligi matbuat hızmetiniñ haberinde söz yürsetilmekte.

«Olar arasında (yapılğacaq ilk tedbirler cedvelinde - QA) – Ukrainanıñ vaqtınca işğal etilgen Qırım ve Dondassnıñ muzey fondlarında bulunğan köçken ve köçmegen abideleri ve obyektler siciliniñ azırlanuvı, 1954 senesi silâlı çatışamalar yüz bergende medeniy mülkni imaye etüv Şartnamesiniñ mehanizm ve tertiplerini qullanuv, vaqtınca işğal etilgen territoriyalarda yaşağan şahıslarğa hususan, uzaqtan oqutuv sistemasını ilerileterek, keyfiyetli tasil almağa imkân berüv, ayrıca, devlet içinde köçken şahıslar içün köçip kelgen tasil muessiselerini ileriletüv kire», – dep qayd ete nazirlik.

Oturışuv iştirakçileri «Ukrainanıñ vaqtınca işğal etilgen territoriyalarında tasil ve medeniyet saasındaki vaziyet bayağı fanalaşqanını» qayd ete dep haber ete.

Hususan, Bağçasaray tarihiy-medeniy qoruğınıñ sabıq müdiri Elmira Ablâlimova, yarımadanıñ rusiyeli akimiyeti ötkergen qanunsız restavratsion işleri neticesinde, Han Sarayınıñ tarihiy ve medeniy özgünligi kerçek telüke altında olğanı aqqında ikâye etti.

Bir kün evel Qırım Muhtar Cumhuriyeti prokuraturası, ilhaq etilgen Qırımda, hususan, UNESCO faaliyeti saalarında (tasil, ilim, medeniyet, KHV serbestligi ve jurnalistlerniñ havfsızlığı, din ve milliy azınlıqlar aq-uquqlarınıñ temin etilüvi) işlengen cinayetler boyunca cinaiy işler içün deliller toplamağa devam etkeni aqqında haber etti. Qırımnıñ rusiyeli ükümeti Bağçsaraynıñ Han Sarayında «ilk nevbetteki fevqulâde işlerni» yürsete.

Ukraina medeniyet nazirligi, bu işler sebebinden Han Sarayınıñ baş binası yıqılma telükesi altına kire.

Nazirlik rusiyeli arheologlar ilhaq etilgen Qırımda ötkergen qanunsız qazuv işlerine munasebetini bildirmesi içün, bir sıra halqara teşkilâtlarğa muracaat etmege istegeni aqqında bildirgen edi.

Aprelniñ 11-nde Ukraina tış işleri naziri Pavlo Klimkin, UNESCO icra komiteti Qırımda keçirilmege qararlaştırğan monitoring missiyası boyunca qarar qabul etkeni aqqqında haber etti. TIN yolbaşçısınıñ fikrine köre, halqara teşkilât temsilcileriniñ ziyareti Qırım medeniyet abidelerini saqlamağa yardım eter.

XS
SM
MD
LG