ABniñ Rusiyege qarşı kirsetken iqtisadiy sanktsiyalarnıñ uzatılğanına dair qararı küçke kirdi. Qarar 2019 senesi yanvarniñ 31-ne qadar devam etecek.
Vesiqa iyülniñ 9-nda Avropa Birliginiñ «Resmiy mecmua»sında derc etildi.
İyülniñ 5-nde Avropa Birligi iqtisadiy sanktsiyalarnı uzattı. İşbu sıñırlav tedbirleri maliyeviy, energetik ve mudafaa sektorlarını ve eki şekilde qullanılğan mallarnı qaplap almaqta. İlk defa olar 2014 senesi iyülniñ 31-nde, Rusiyeniñ Ukrainadaki vaziyetniñ istiqrarsızlaştırmasına cevap olaraq bir yıllıq müdetke qabul etilgen edi.
İyülniñ 29-nda Avropa Birliginiñ liderleri Ukrainada yapqan tecavuzı içün, Rusiyeni cezalandıracaq iqtisadiy sanktsiyalarnıñ devam ettirilecegi boyunca añlaşqan edi. O zaman Frenkistan prezidenti Emmanuel Macron ve Almaniya kantsleri Angela Merkel, Minsk añlaşmalarınıñ eda etilgenine dair malümat berilgen soñ, liderlerden sanktsialarnı devam ettirilmesini rica etti.
AB liderleri, Rusiye ve çatışmanıñ diger iştirakçileri Minsk añlaşmalarınıñ eda etilüvinde muvafaqiyetke irişmegence sanktsiyalar lâğu etilmeycegi aqqında ayttılar.
Sanktsiyalar 2014 senesinden başlap er yarım yılda bir uzatılmaqta.
