Link açıqlığı

Saatnıñ esas haberi

İyülniñ 11-nde Qırım MCniñ prokurorı Qırım sakinlerinen körüşmege ketecek – matbuat hızmeti


Gündüz Mamedov
Gündüz Mamedov

Qırım Muhtar Cumhuriyetiniñ prokurorı Gündüz Mamedov iyülniñ 11-nde Hersonda ilhaq etilgen yarımada sakinlerinen körüşmek içün baracaq, dep haber ete iyülniñ 9-nda, prokuraturanıñ matbuat hızmeti.

«İlhaq etilgen Qırım yarımadasında işğalci ükümet temsilcileri tarafından vatandaşlarnıñ aq-uquqlarınıñ bozulğanını tesbit etmek maqsadınen, Herson şeerinde yerleşken Qırım Muhtar Cumhuriyeti prokuraturası bölüginde Qırım Muhtar Cumhuriyetiniñ prokurorı vatandaşlarnı şahsen qabul etecek», – denilmekte haberde.

Prokuratura adres ve qabul saatını bildire: Kremençutskaya soqağı: 69 (3nci qat), saat 16:00-18:00 arasında. Malümat almaq içün telefonlar: (044) 596 73 57, (097) 50 98 980.

Yanvarniñ 24-nde Qırım Muhtar Cumhuriyetiniñ prokuraturası Rusiye ilhaq etken yarımadada insan aqları bozulğanına dair gizli malümat berilmesi içün – resmiy saifede elektron şekil ve Skype vastasınen yapılğan online-videobağ olaraq yañı hızmet kösterip başladı.

O zaman prokuraturanıñ resmiy saifesinde insan aqları bozulğanı, olarğa qarşı yapılğan arbiy cinayetler ve insaniyetlilikke qarşı yapılğan cinayetlerge dair gizli haberler yollanılması içün elektron şekil meydanğa ketirgen edi. Prokuratura ile Skype vastasınen yapılğan online-videobağ er salı, çarşenbe ve cumaaqşamı künlleri saat 10:00-13:00 arası çalışa.

XS
SM
MD
LG