Demokratiya, insan aqları ve gumanitar meseleler komiteti ukrain eyyeti tarafından azırlanğan OSCE Parlament assambleyasınıñ Qırımnen bağlı qarar leyhasına qol tuttı. Bu aqta iyülniñ 9-nda özüniñ Facebook saifesinde Qırımtatar Milliy Meclisiniñ yolbaşçısı, Ukraina halq deputatı Refat Çubarov yazmaqta.
Onıñ sözlerine köre, «Qırım Muhtar Cumhuriyeti ve Aqyarda (Ukraina) insan aqları ve serbestligi bozulmağa devam ete» adlı qararına 35 kişi qol tuttı, 9 kişi «qarşı çıqtı», 7 kişi « bitaraf» qaldı.
«İyülniñ 11-nde ötkerilecek OSCE Patrlament assambleyasıniñ umumiy toplaşuvında işbu qararnıñ qabul etilmesine yol açıq», – dep yaza Çubarov.
İyülniñ 8-nde Ukraina eyyeti OSCE Parlamenrt assambleyasında ABD eyyetiniñ azalarınen körüşti ve ilhaq etilgen Qırım meselelerini muzakere etti.
Rusiye Qırımnı ilhaq etken soñ, mustaqil jurnalistler, cemaat ve qırımtatar milliy areketiniñ faalleri, qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilip başladı.
