Kelecek afta ötkerilecek olğan Trump ile Putin arasında körüşüvde, diqqat silânıñ kontroline, Ukraina, Suriye ve Rusiyeniñ saylâvlarğa qarışuv meseleleri muzakere etilecegi beklenile dep haber etti jurnalistlernen yapqan körüşüvde ABD memuriyetiniñ memuru, dep bilidire Politico.
Prezident Donald Trump Rusiye prezidenti Putinnen yüzme-yüz körüşecek dep tasdıqladı ABD memuriyetiniñ memurı.
«Prezidentniñ doğrudan-doğru subetleşmesi içün şimdi tamam kelişken vaqıt», – dep qayd etti ABD memuriyetiniñ memurı.
Helsinkide yüzme-yüz şeklindeki körüşüv iş yemeginde ötkerilecek eki taraflama keniş körüşüvden evel yapılacaq. Soñki eki vaqiada ABD ve Rusiyeniñ yüksek rutbeli memurları iştirak etecek. Bu aqta jurnalistlerge ABD Rusiyedeki elçisi Jon Huntsman haber etti.
Daa evel telefon vastasınen qonuşqan ve dünya liderleriniñ toplaşuvlarında qısqa subetleşken eki prezident arasındaki ilk ayrı körüşüv olacaq.
Sammit esnasında muayyen muqaveleler tizilecegini beklememeli dep qayd etti Beyaz ev memurı
Jurnalistlernen körüşken vaqıtta, sammit esnasında muayyen muqaveleler tizilecegini beklememeli, dep qayd etti Beyaz ev memurı. O, sammitniñ keçirilgeni bile büyük bir yeñiş olğanını qayd etti. «Bizler masa başında saylâvlarğa qarışuv ve qara niyet hususları boyunca qonuşmağan edik, faqat bunı kerçekten de yapmaq şart», – dep ayttı memuriyet memurı.
«Bu seviyede bir sammit keçirilgeni bile, artıq bir netice sayıla. Men bellesem, sammit neticesinde muayyen bir añlaşmalarğa barılır. Muzakere etilecek çoq mesele bar», – dep ilâve etti o.
Aynı zamanda, Obamanıñ memuriyetinde çalışqan bazı memurlar sammitni keçirüv planlarını tenqit ete.
Bu sammmit şimdi keçmemeli. Putin ne yerde ise, böyle bir körüşüvni qazanmaq içün, kösterişli olaraq asla bir şey yapmayTom Donilon
Trump Putinnen yüzme-yüz körüşmemeli dep saya prezident Barak Obama memuriyeti devrinde milliy telükesizlik boyunca mesleatçı olğan Tom Donilon.
«Bu sammit şimdi ötkerilmemeli. Putin ne yerde se, böyle bir körüşüvni qazanmaq içün, kösterişli olaraq asla bir şey yapmay. Bir türlü esas da yoq. Anlaşılğan maqsatlarnı belgilemek, ittifaqdaşlarnen mesleatlaşmaq kerek, eger işbu körüşüvden soñ da ittifaqnı saqlap qalmağa istegi olsa, kimnen iş yürsetilgenini ve munasebetler tarihınıñ aqiqiy manasını añlamaq kerek», – dep qayd etti Donilon.
«Putin er bir mesele boyunca öz pozitsiyasını pek yahşı bile ve iç bir şartlar altında prezident Trumpqa yüzme-yüz şeklinde bir körüşüv keçirmekni tevsiye etmemek kerek», – dep ilâve etti o.
Eger Putinniñ tesiri altında o ğarbiy alyansqa zarar berecek adım atsa, bu stsenariyniñ eñ yaramay şekli olurDaniel Fried
Yüksek rutbeli sabıq diplomat Daniel Fried, eger sammitte muit keçken ay Canadada keçken Yediler Gruppasınıñ körüşüvinde olğanı kibi pek kergin olsa, o zaman prezident Finlândiyağa Putinnen daa ziyade kompromisske mailli olaraq kelir, dep qayd ete.
«Efger Putinniñ tesiri altında o ğarbiy alyansqa ya da amerikan degerliklerlerine zarar berecek adım atsa, bu stsenariyniñ eñ yaramay şekli olur. Öyle olmaz dep tüşünem, amma bu olabilecek stsenariylerniñ bir variantıdır», – dep qayd etti Fried.
Liderler arasındaki «şahsiyet himiyası» belki biraz yardım etebilir, ancaq strategik menfaatlar uyğunsızlığını tazmin etmez; farqlı noqta-i nazar ise büyük problemalar çıqarabilir », – dep qay etti o.
