Link açıqlığı

Saatnıñ esas haberi

Beyaz evniñ matbuat kâtibi Sarah Sanders Rusiyeniñ Ukrainağa bağlı Qırımnı ilhaq etüv teşebbüsini tanımağanı aqqında bildirdi.

İyülniñ 2-nde Washingtonda çıqış yapqanda o Moskvağa qarişı kirsetilgen sanktsiyalar, Qırım Ukrainağa qaytarılmağance devam etecek dep qayd etti.

«Biz Rusiyeniñ Qırımnı ilhaq etüv teşebbüsini tanımaymız. Rusiyenen bizim aramızda bunen bağlı fikirde farqlılıq olğanını qabul ettik. Ve bizim Qırımnen bağlı olaraq Rusiyege qarşı kirsetken sanktsiyalarımız yarımada Ukrainağa keri qaytarılmağance devam etecek», – dedi Sanders.

Bu beyanat ABD prezidentınıñ milliy havfsızlıq boyunca mesleatçısı John Boltonnıñ sözlerinden fartq ete, çünki o bir kün evel Donald Trump Qırım ilhaqını tanır dep tahmin etken edi.

Trumpnıñ özü bir qaç sefer Rusiye ile munasebetlernñ daa ziyade barışıqlı olmaq kerek olğanını aytqan edi. İyünniñ 29-nda jurnalistlerniñ, ABD Qırım Rusiyege ait olğanını tanırmı degen sualine, o: «Baqarmız», dep cevap bergen edi.

Daa soñra ABDniñ milliy havfsızlıq boyunca mesleatçısı John Bolton meseleni, çetel ükümetlerniñ liderlerinen meselelerniñ keniş dairesi boyunca körüşüvler keçirip, olarnıñ noqta-i nazarını diñlemek içün «prezident bir çoq zamanlarda «baqarmız» dep ayta» dep tüşüne.

XS
SM
MD
LG