Qırım yarımadası Rusiye tarafından ilhaq etilgen soñ yalıñız Keriç limanından keçken mal seviyesi azalmadı dep ayttı Qırım.Aqiqat Radiosı efirinde ukrainalı naqliyat talilcisi Maksim Gardus.
«Keriç limanı esasen parom keçiti sıfatında çalışıp başladı. Aqyar, atta bir qaç kerege pek müşkül azaldı. Ayrıca Kefe ve Yalta da yük oranı da azaldı. Ukraina devrinde Qırım limanları esasen Ukrainanıñ qıta qısmından kelgen bürtüklilerni, Aqyar Dondasstan kelgen demirni ihrac ete, Kefe ve Keriç cermay mahsulatlarını ithal ete edi. Körünip tura ki, artıq bu limanlarnıñ logistik manası qalmadı», – dep qayd etti talilci.
Aynı zamanda «Ukraina limanları» mecmuasınıñ tesisçisi Konstantin İlyinskiy 2014 senesinden berli sanktsiyalar tübüne kirgen Qırım limanlarında yüklegen yüklerniñ miqdarı pek azalmadı, amma olar Rusiyege yönelip alışmağa başlayaraq, sturuktura ceetinden pek deñişti.
«2018 senesi yüklengen mal miqdarı 11,5 million tonnanı teşkil etti. Bu 2013 senesi köre 12,5% daa az. Lâkin bu arada yüklengen mal strukturası bütünley deñişkeni pek muim. Eger evelki zamanlarda esas yükler ithal-ihrac yükleri olğan ise, bugünki künde Rusiye noqta-i nazarından, bu devlet içinde yapılğan naqliyat, kabotaj sayıla. İthal-ihrac yükleri umumen 800 biñ tonnanı teşkil ete», – dep qayd etti mutehassıs.
2017 senesi dekabrniñ 1 ile 2018 senesi yanvarniñ 1 arasında 26 dane yük gemisi ilhaq etilgen Qırım limanlarına kiriş yasağını bozıp kirdi, dep haber etti yanvarniñ 4-nde Ukraina vaqtınca işğal etilgen territoriyalar ve devlet içinde köçken şahıslar nazirligi.
2014 senesi iyül ayından başlap Ukraina resmiy olaraq Rusiye tarafından ilhaq etilgen Qırım limanlarınıñ işini toqtattı ki, yarımada limanları halqara deñiz gemiciligi içün qapalı sayılmaqtadır.
