Ukraina ilhaq etilgen Qırımnıñ azat etilüvinen bağlı halqara rejimni pekitmek kerek.
Bu aqta Ukraina prezidenti Petro Poroşenko Facebook saifesinde yaza.
«Bizler Qırımnıñ azat etilüvinen bağlı halqara rejimni pekitmek kerekmiz. Rusiye yarımadanı tezliknen arbiyleştirerek, sovet devrine ait bazalarnı tiklep Qırımnı «serbestlik olmağan adağa» çevirgen maalde, bizler halqara uquq mehanizmlerini olduqğa semereli şekilde qullanaraq, işğal etilgen yarımadanı Moskva köterip olamaycaq yükke çevirmek kerekmiz», – dep qayd ete prezident.
Ukraina prezidenti Petro Poroşenko iyülniñ 1-nde Ukraina Silâlı quvetleriniñ Arbiy-Deñiz quvetleri Künü munasebeti ile tebrik sözünen çıqış yaparaq, Ukraina bayrağı ilhaq etilgen Aqyarda tekrar köterilecegine ümit beslegeni aqqında ayttı.
Poroşenko Ukraina ADQ askerlerine sadaqat, cesaret ve qaramanlıqları içün minnetdarlıq bildirdi. «Büyük ğalebe oğrunda qararlılıq ve israr» tiledi.
İyülniñ 1-nde Odessada ve diger şeerlerde Ukraina Arbiy-Deñiz quvetleri Künü munasebetinen tantanalı merasimler ötkerile. Bayram çerçivesinde flotqa yañı zırhlı artilleriya gemilerini ilâ
