Link açıqlığı

Saatnıñ esas haberi

Ukraina prezidenti Petro Poroşenko iyülniñ 1-nde Ukraina Silâlı quvetleriniñ Arbiy-Deñiz quvetleri Künü munasebetinen tebrikleyerek, Ukraina bayrağı ilhaq etilgen Aqyarda tekrar köterilecegine ümit beslegeni aqqında ayttı.

«Umumiy küç-quvetimiznen bizler Ukrainanıñ deñizdeki şuretini arttırır ve bizim gemilerimiz üzerindeki devlet bayrağı ukrain Aqyarınıñ limanlarında yükselecegine inanam», – denilmekte Ukraina prezidentiniñ Facebook saifesinde.

Poroşenko Ukraina ADQ askerlerine sadaqat, cesaret ve qaramanlıqları içün minnetdarlıq bildirdi. «Büyük ğalebe oğrunda qararlılıq ve israr» tiledi.

Mevzunen bağlı olaraq: «Tecavuz yapılıcaq olsa onı toqtatacq küçümiz bar» ‒ vitse-admiral İgor Voronenko

İyülniñ 1-nde Odessada ve diger şeerlerde Ukraina Arbiy-Deñiz quvetleri Künü munasebetinen tantanalı merasimler ötkerile. Bayram çerçivesinde flotqa yañı zırhlı artilleriya gemilerini ilâve etüv merasimi ilân etildi.

XS
SM
MD
LG