Link açıqlığı

Saatnıñ esas haberi

Qırım MC prokuraturası ilhaq etilgen Qırımda yapılğan qıynavlarnen alâqalı 9 işni taqiq ete


Qırım Muhtar Cumhuriyetiniñ prokuraturası ilhaqtan soñ yarımadada Ukraina vatandaşlarınıñ qıynavlarınen alâqalı 9 dane işni taqiq ete. Bu aqta iyünniñ 26-nda nezaretçi muessiseniñ matbuat hızmeti haber etti.

«Beñzer vaqialar arasında: Ukraina tarafdarlığı içün ve ukraince laf etkeni içün, qabaatını tanıtmaq içün şaatlıq yaptırmaq ve başqalarğa nisbeten yalan şaaatlıq bermekler mevcut. Qıynalğanlarnıñ bazılarına nisbeten elektrik aqım qullanılğan», – denilmekte haberde.

Qırım MC prokuraturasınıñ malümatına köre, diger cinaiy işler çerçivesinde, şu cumleden azatlıqtan qanunsızca marum etüv faktları boyunca, yarımada sakinlerine şevqatsız davranışlarnıñ aman-aman 200 dane misali tesbit etilmekte ve olarnıñ ekseriyetinde qıynav alâmetleri mevcut.

«Mezkür areketler qanunsız teşkil etilgen «RF Qırım Cumhuriyeti ve Aqyar FSB idaresi»niñ hadimleri, işğalci ükümetniñ diger organları ve qanunsız silâlı «Samooborona Krıma» teşkilâtı temsilcileri tarafından yapılmaqta.

İyünniñ 22-nde Qırım MC prokuraturası haber etkenine köre, ilhaq etilgen Qırımda insaniyetlikke qarşıve arbiy cinayetler yapılğanı sebebinden cinaiy işler açqanı aqqında haber etti.

Qırım MC prokuraturası Qırımda qanunğa zıt şekilde Ukraina vatandaşlarını tutıp, evlerinde tintüv ötkerilgenine dair içine 250 dane misal kirgen 140 danege yaqın cinaiy iş açıldı dep haber etken edi daa evel Qırım MC prokuraturasınıñ cinaiy işler boyunca protsessual idare bölüginiñ başlığı İgor Ponoçovnıy.

Qırım ilhaqından soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Meclis azaları ve «Hizb ut-Tahrir» ile alâqası olğanında şeklengen musulmanlarnıñ evlerinde sıq-sıq tintüvler keçirilmege başladı.

XS
SM
MD
LG