Link açıqlığı

Saatnıñ esas haberi

İnformatsion nazirligi qırımtatar bayrağı Kününe bağışlanğan kampaniya taqdim etti


Kyiv, 2018 senesi iyünniñ 25-şi
Kyiv, 2018 senesi iyünniñ 25-şi

Ukraina informatsion nazirligi iyünniñ 26-nda - qırımtatar bayrağı Kününe bağışlanğan - umummilliy kommunikatsion reklam kampaniyası taqdim etti.

Nazirlik, kampaniya Kyiv ve vilâyette bord ve sitylaytlar şeklinde taqdim etilgeni ve ictimaiy reklama olaraq umummilliy telekanallarda kösterilecegi aqqında bildirdi.

«Artıq üç yıldan berli Qırımniñ informatsion reintegratsiyası çerçivesinde bizler bu künge sistematik olaraq qol tutıp kelmektemiz. Daa evel yapılğanı kibi, bizim kampaniyamız «Eki bayraq – bir devlet» şiarı altında ötkerilecek. Diger tedbirler kibi, işbu kommunikatsion kampaniya da bizim, qırımtatar ve ukrain bayraqları persona non grata sayılğan ilhaq altındaki Qırımnen olğan bağnı saqlap qalmaq içün bir imkândır», – dep qayd etti Ukraina informatsion naziriniñ birinci muavini Emine Ceppar.

Ukrainada ve dünyada iyünniñ 26-nda ötkerilecek qırımtatar bayrağı Kününe bağışlanğan bir sıra tedbirler keçirilmesi planlaştırılğandır. Qırımtatar Milliy Meclis reisiniñ muavini İlmi Umerov matbuat konferentsiyasında qayd etkenine köre, yürüş, miting ve avtoyürüşler Lviv, Odessa, Dnipro, Melitopol, Kyiv, Herson vilâyetinde ötkerilecek.

İyünniñ 26-nda qırımtatarlar Milliy bayraq Kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci qırımtatar halqı Qurultaynıñ birinci künü saylânğan edi.

Qırımtatar bayrağı üzerinde altın renkli tamğa tasvir etilgen kök renkli bir bayraqtır.

XS
SM
MD
LG