Link açıqlığı

Saatnıñ esas haberi

Poroşenko: «Qırımtatar bayrağı azatlıq oğrunda küreş timsaline çevirildi»


Petro Poroşenko
Petro Poroşenko

Ukraina prezidenti Petro Poroşenko vatandaşlarını Qırımtatar bayrağı Kününen tebrikledi. Özüniñ tebrik sözüni o iyünniñ 26-nda Facebookta derc etti.

«Mavı-altın renkli qırımtatar bayrağı, Ukraina Devlet Bayrağınıñ mavı-sarı tüsü kibi, bugünki künde bizim serberstligimiz içün küreşimiz ve öz evimizde, ukrain Qırımında, bizim yerimizde tınç yaşav aqqınıñ belâğatlı timsali olıp qaldı. Qırımtatar bayrağı Künü hayırlı olsun! Qırımtatar milliy bayraq künü hayırlı olsun!» – dep yaza o.

Qırımtatar bayrağı Kününde Kyivde Ukraina prezidentiniñ ömür arqadaşı Marina Poroşenko «Qırım evi»ne Qırımdan köçken balalarnen beraber milliy «Barışıq Kitabı» leyhasınıñ yañı saifelerine toldurmaq içün kelecek.

İyünniñ 26-nda qırımtatarlar Milliy bayraq Kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci qırımtatar halqı Qurultaynıñ birinci künü saylânğan edi.

Qırımtatar bayrağı üzerinde altın renkli tamğa tasvir etilgen kök renkli bir bayraqtır.

Aprelniñ 23-ne qadar Ukraina içinde işğal etilgen Qırım ve Donbasstan köçerek, qayd etilgen şahıslarnıñ sayısı 1 mln 496 biñ 713 kişini teşkil etmekte dep haber ete Ukraina ictimaiy siyaset Nazirligi.

Nazirlikniñ malümatına köre, bu 2018 senesiniñ başına nisbeten 9,2 biñ kişige ziyade.

XS
SM
MD
LG