Link açıqlığı

Saatnıñ esas haberi

Rusiye televizion kanallarında Qırım, Donbass ve Ukrainadaki vaqialar daa da siyrek añılıp başladı. Bu aqta «Medialogiya» malümatlarına esaslanıp «Kommersant» neşiri haber etmekte.

Böyleliknen: 2016 senesi mart ayında «Qırım baari» aqqında federal kanallar 141 kere añğan olsa, 2017 senesi – 76 sefer, bu yıl ise, 27 kere añğandır. Donbass aqqında bir ay zarfında añma sayısı bir qaç biñden 300-400 kerege tüşti. Ukraina aqqında daa ziyade añsalar bile, keçken senelerge nisbeten daa azdır.

Haber etilgenine köre, federal KHV epsinde (informagentlik saytlarında, meşur informatsion portal ve gazetalarda) telekanallarğa nisbeten «ukrain» mevzusı azlaşqanı közetilmekte.

Ukraina ve Ğarp devletleri em de mustaqil mediatalilcileri Rusiye devlet teşviqatınıñ, şu cumleden, federal telekanallarda, Qırım ve Ukrainadaki vaqialarda, hususan, Rusiye teleseyircileri ögünde Ukrainanıñ menfiy imicini yaratmağa diqqat eteler.

XS
SM
MD
LG