Türkiyeniñ al-azırdaki prezidenti Recep Tayyip Erdoğan müddetten evel ötkerilgen prezident saylâvlarınıñ 70% bülletenleri teşkerilgen soñ 54,82% rey qazanmaqta.Bu aqta Azatlıq Radiosı haber ete.
Aynı zamanda onıñ esas raqibi - muhalif Cumhuriyet Halq Partisiniñ lideri Muharrem İnce ise – 29, 57% qazana.
Eger Er4doğan 50% ziyade rey qazansa – o qalebe qazanaraq, ekinci turğa kirmekten qurtulacaq.
Onıñ Adalet ve inkişaf firqası müddetten evel ötkerilgen saylâvlarda birincilikni qazanmaqtta – 69% bülletler teşkerilüvi neticesinde 0 44,44% rey qazanacaq. Türkiye Cumhuriyet Halq Partisi 21,41% rey qazana.
Aprel ayında Erdoğan prezident ve parlament saylâvları iyünniñ 24-nde yani planlaştırılğan müddetten 17 ay evel yapılacağı aqqında haber etken edi.
2017 senesi keçken referendumden soñ maqul tanılğan Anayasa deñişüvleri neticesinde, Türkiye parlament idaresinden prezident idaresine keçerek, nevbetteki prezidentke keniş imkânlar tanıy.
Erdoğannıñ 2019 senesinece devlet başında qalmağa fırsat bergen deñişmeler içün rey bergenlerniñ 51%qol tuttı. Olar saylâvlardan soñ küçke kirecek.
Erdoğan 2003-2014 seneleri arasında Türkiye baş naziri, ondan soñ prezidenti olğan edi.
