Link açıqlığı

Saatnıñ esas haberi

Türkiyeniñ al-azırdaki prezidenti Recep Tayyip Erdoğan müddetten evel ötkerilgen prezident saylâvlarınıñ 29,27% bülletenleri teşkerilgen soñ birincilikni qazanmaqta dep haber ete «Anadolu» Türkiye devlet Agentligi.

İşbu neticelerge istinaden Erdoğan 58,11% rey toplay, onıñ esas raqibi muhalif Cumhuriyet Halq Partisiniñ lideri Muharrem İnce ise – 27, 45%.

«Anadolu»nıñ malümatına köre, müddetten evel keçirilgen prezident saylâvları 180 065 bölükte ötkerilgen.

Aprel ayında Erdoğan prezident ve parlament saylâvları iyünniñ 24-nde yani planlaştırılğan müddetten 17 ay evel yapılacağı aqqında haber etken edi.

2017 senesi keçken referendumden soñ maqul tanılğan Anayasa deñişüvleri neticesinde, Türkiye parlament idaresinden prezident idaresine keçerek, nevbetteki prezidentke keniş imkânlar tanıy.

Erdoğannıñ 2019 senesinece devlet başında qalmağa fırsat bergen deñişmeler içün rey bergenlerniñ 51%qol tuttı. Olar saylâvlardan soñ küçke kirecek.

Erdoğan 2003-2014 seneleri arasında Türkiye baş naziri, ondan soñ prezidenti olğan edi.

XS
SM
MD
LG