Link açıqlığı

Saatnıñ esas haberi

Qırımnıñ İslâm Terek rayonınıñ Eski Qırım şeerinde qırımtatar milliy areketiniñ veteranı, faal Server Karametovnıñ cenazesi keçe.

Bu aqta Qırım.Aqiqat muhbiri haber etmekte.

Karametovnen vedalaşmaq içün bütün yarımdadadan qırımtatarlar keldi. Al-azırda cenazede 400ge yaqın insan bar.

Olar arasında qırımtatar milliy areketiniñ veteranları ve faalleri Adile Ametova, Fera ve Enver Muslâdinovlar, Nariman Celâl, Zair Smedlâ ve digerleri bar.

Köydeşler Karametov ailesinen beraber yas tutqanı ve birdemligi adına qara şerit bağlanğan qırımtatar milliy bayrağını asıp qoydılar.

Qırımlı faal Server Karametov iyünniñ 23-nde Eski Qırımdaki yol qazasındsan soñ hastahanede vefat etkeni aqqındsa haber etken ediler. Yol qazasında ayrıca qırımtatar Enver Arabaciyev de zarar körgen edi.

Qırımtatar faali Server Karametov 2017 senesi avgustnıñ 8-nde Aqmescitte qırımtatarlarnıñ liderlerinden biri olğan Ahtem Çiygozğa qol tutmaq maqsadınen keçirilgen bir kişilik piket sebebinden tutulğan edi.Oña qarşı eki dane memuriy protokol tüzüldi. Biri – «bir kişilik piket keçirüv qaideleri bozğanı», ekincisi – «politsiya hadimlerine qarşılıq köstergeni» içün edi.

Daa soñra Kreml nezareti altındaki Aqmescitniñ Jeleznodorojnıy rayon mahkemesi «politsiya hadimlerine qarşılıq köstergeni» içün Karametovğa 10 künlük memuriy tevqif cezası bergen edi.

XS
SM
MD
LG