Qırımtatar faali Server Karametov Eski Qırımdaki yol qazasındsan soñ hastahanede vefat etti. Bu aqta iyünniñ 23-nde Facebookta faaller haber ete.
Daa evel Eski Qırımda qırımtatar faali Server Karametov ve qırımtatar Enver Arabaciyev yol qazasına oğrağanları aqqında haber etilgen edi.
Qırımdaki Rusiye MÇS ve Rusiye İİN saytlarında şimdilik bu hususnen bağlı iç bir malümat yoq.
Qırımtatar faali Server Karametov 2017 senesi avgustnıñ 8-nde Aqmescitte qırımtatarlarnıñ liderlerinden biri olğan Ahtem Çiygozğa qol tutmaq maqsadınen keçirilgen bir kişilik piket sebebinden tutulğan edi.Oña qarşı eki dane memuriy protokol tüzüldi. Biri – «bir kişilik piket keçirüv qaideleri bozğanı», ekincisi – «politsiya hadimlerine qarşılıq köstergeni» içün edi.
Daa soñra Kreml nezareti altındaki Aqmescitniñ Jeleznodorojnıy rayon mahkemesi «politsiya hadimlerine qarşılıq köstergeni» içün Karametovğa 10 künlük memuriy tevqif cezası bergen edi.
