Link açıqlığı

Saatnıñ esas haberi

Qırımda qurğaqlıqtan kelgen zarar 160 million rubleden ziyadedir (67,5 mln grivna) dep haber ete Kreml nezareti altındaki yarımadanıñ ziraat naziri Andrey Rümşin.

«Fevqulâde zonanıñ dört rayonındaki zarar 164 mln rubleden ziyadedir. Ekinlerniñ qurğaqlıqtan zarar körgen umumiy meydanı tahminen 18 biñ gektarnı teşkil ete», – dep bildire Rümşinniñ sözlerini Ziraa nazirliginiñ matbuat hızmeti.

Nazirlikniñ malümatına köre, Qırımda qışlıqlarnıñ bu vaziyeti küzde yağanaqlar olmağanı sebebinden eñ qısqa muddet içinde qışlıqlarnı saçmağa imkân bermegeni ve qışta da avası sıcaq olıp, pek az yağanaqlar olğanı sebebindendir.

Nazirlikte Curçi rayonı eñ çoq zarar körgenlerden biri olğanı qayd etildi.

Ükümet, Qırım ziraatçıları 2018 senesi, keçken senege köre eki misli az olacaq şekilde 800 biñ ton bürtükliler mahsulatı toplaycağını qayd ete.

Bu mevzu boyunca: «Er şey Qırımnıñ sahralaştırılmasına alıp bara yata». Qurğaqlıq yarımadanı nege çevirmekte

Bir kün evel Qırımda Qurman, Seitler, Curci ve İslâm-Terek rayonlarındaki qurğaqlıq sebebinden fevqulâde vaziyet ilân etildi.

Mayıs ayınıñ soñunda Qırımnıñ rusiyeli yolbaşçısı Sergey Aksönov, Qırım ziraatçıları baar qurğaqlığından bir milliardtan ziyade zarar körgenleri aqqında haber etken edi.

XS
SM
MD
LG