Rusiye Qırımnı ilhaq eterek, halqara uquqnı bozdı ve şunıñ içün «Büyük yedi devlet» formatında kirip olamay.
Bu aqta iyünniñ 6-nda alman parlamenti deputatlarınıñ suallerine cevap bergen Almaniya kantsleri Angela Merkel haber etti.
Associated Press agentligi haber etkenine köre Merkel, Rusiyenin G8-den çıqarılması «qaçınılmaz» olğanı aqqında aytqan.
Rusiye G8-den 2014 senesi Qırımnı ilhaq etken, Ukrinanaıñ şarqında ve Suriye çatışamalarında iştirak etken soñ çetleştirildi.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
