Link açıqlığı

Saatnıñ esas haberi

Rusiye Devlet dumasınıñ deputatı Sentsovnıñ deñiştirilüvi aqqında: «keçilmez iç bir türlü mania yoq»


MDB memleketleri institutınıñ müdiri, devlet dumasınıñ deputatı Konstantin Zatulin
MDB memleketleri institutınıñ müdiri, devlet dumasınıñ deputatı Konstantin Zatulin

Mustaqil Devletler Birligi ve avroaziya integratsiyası işleri boyunca Rusiye Devlet duması komiteti reisiniñ birinci muavini Konstantin Zatulin Azatlıq Radiosınıñ rus bölügine bergen izaatında ukrainalı rejissör, Qırım sakini Oleg Sentsovnıñ deñiştirilebilme ihtimalı aqqında ayttı.

«Eger biz bu usulnı mesele Savçenko ve bizim sabıq ve şimdiki rusiyeli arbiylernen bağlı olğan işte qullanğan ve deñiştirgen olsaq, printsip olaraq bunı bir emsal şeklinde qullanılması içün mania teşkil etecek iç bir şey yoq», – dedi Zatulin.

Bu arada deputat, «qarar bermege tutunmağanını ve er türlü allar olğanını», ancaq Sentsov işinde öldürilgen kimse olmağanını qayd etti.

«Savçenko rusiyeli jurnalistlerniñ öldürilüvinde iştirak etkeninde qabaatlanğan edi. Sentsov bizim qanunlarğa binaen qabaatlı sayılsa da, onıñ qabaatı mahkemede isbatlandı, faqat mında ölüm yoq, öldürilgen kimse de yoq. Elbette, bu deñiştirüv noqta-i nazarından da muim ve esapqa alınmaq kerek olğan husus», – dep izaatlay rusiyeli deputat.

Rusiyeniñ Kopeysk (Çelâbinsk vilâyeti) apishanesinde yatqan Qırım sakini olğan Oleksandr Kolçenko açlıq tutacağı aqqında mayısnıñ 31-nde ilân etken edi.

Oleg Sentsov mayısnıñ 14-nde Rusiye apishanelerinde yatqan bütün ukrainalı siyasiy mabüslerniñ azat etilmesi talabınen muddetsiz açlıq ilan etken edi.

Ukrainalı rejissör Oleg Sentsov Rusiye apishanelerinde yatqan bütün ukrainalı siyasiy mabüslerniñ azat etilmesi talabınen muddetsiz açlığını devam ete. O, mayısnıñ 31-nde «onı deñiştirüv meraqlandırmağanı», çünki o «soñuna qadar baracaq insan olğanını» ilân etken edi.

Ukrainada ve bütün dünyadaki faaller Rusiye ve prezident Vladimirr Putinden qanunsız tutulğan ukrainalılarnın azat etilmesini talap etmege devam eteler. Çeşit devlet ve qıtalarda #FreeOlegSentsov и #SaveOlegSentsov yazıları altında tedbirler ötkerile.

Sentsov ve Kolçenko Rusiye mahsus hizmetleriniñ vekilleri tarafından Qırımda 2014 senesi mayıs ayında, yarımadada terroristik aktlar azırlağanlarında qabaatlanıp tutulğan ediler. 2015 senesi avgust ayında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, 20 yıllıq şiddetli rejim koloniyasına qalmağa mahküm etti. Kolçenkoğa 10 yıl koloniya cezası berildi. Ekisi de qabaatlarını tanımay.

«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti.

XS
SM
MD
LG