İlhaq etilgen Qırımğa uçqan Rusiye avayollarınıñ uçaqları, maliyeviy sanktsiyalarğa baqmadan Avropağa uçmağa devam eteler.
Bu aqta Qırım.Aqiqat TVde uçaq taşımacılığı boyunca mutehassıs Vyaçeslav Konovalov ikâye etip berdi.
«ABD ve diger halqara teşkilâtlar olarnı sanktsion cedvelge qoşmadı. Rusiyeniñ belli-başlı 20 uçaq kompaniyalarınıñ epsi Aqmescitke uça ve maliyeviy sanktsiyalarğa qulaq asmaylar. Men bellesem, olar aralarında añlaşqanğa oşaylâr», – dep iza ete Konıvalov.
vropa Birliginiñ Ukrainadaki temsilciligi Rusiye şirketlerinirñ problemasını sanktsiya kirsetüv yolunen çezmek mumkün olur edi dep aytalar. Ancaq diplomatlar, bu uzun ve murekkep siyasiy esnas olğanını iddia eteler.
«Avropa Şurasında sanktsiyalarnen alâqalı qararlar defalarca tartılaraq qabul etile. Olar ancaq munasip qarardan soñ ilân etile», – dey Avropa Birliginiñ Ukrainadaki temsilciliginiñ mesleatçısı Yurgens Vilcenskas.
Qırımnıñ rusiyeli akimiyeti aprelniñ 16-nda «Aqmescit» avalimanınıñ aerovokzal kompleksiniişke tüşürdi.
2014 senesi yarımada Rusiye tarafından ilhaq etilgen soñ, Ukraina ükümetiniñ qararına binaen Qırım avalimanları qapatılğan edi. Anda ve andan yapılğan bütün uçuşlar Ukraina ve halqara qaidelerni bozmaq dep sayıla.
2017 senesi oktâbr ayına qadar, çetel uçaqları Qırımğa daimiy uçuşlar yaparaq, Ukraina ava boşlıuğını 13 biñ kere bozdı.
