Estoniya prezidenti Kersti Kaljulaid Ukrainanıñ şarqındaki çatışmanı cenk dep tanımağa çağırdı. Keçken afta Donbassnı ziyaret etken Kaljulaid bu aqta, iyünniñ 1-nde sabıq prezident Lennart Meriniñ adına bağışlanğan konferentsiya iştirakçilerinen keçirgen üyle yemegi esnasında ayttı, dep haber ete Estoniya prezidentiniñ matbuat hızmeti.
«Ukrainada yalıñız soñki afta devamında yapılğan atışlar neticesinde dört kşi öldürildi, olar arasında 15 yaşında bir qız bar edi ve 15 kişi yaralandı. Bu buzlatılğan çatışma degil de – bu cenk», – dedi Kaljulaid.
O ayrıca, Ukraina bayağı inkişaf etkenini de qayd etti.
«Eger biz unıutsaq, bularnıñ epsi ğayıp olur. Eger qulaq asmasaq. Eger bizim iqtisadiy menfaatlarımıznı birinci sırağa, degerliklerni – ekinci sırağa qoysaq. Ya da sadece özümizniñ zayıflığımıznı is etip, mında, Avropada, dört yıldan berli cenk yoq dep kösterecek olsaq», – dedi Estoniya prezidenti.
O, bu yıl Ğarp Gürcistannıñ bir qısmı işğal etilgenine «bir şey yapıp olamağanına» 10 yıldan tolacağını hatırlattı. «Bizler Gürcistandaki hayırsız işğal sıñırını muqayıtlıqnen başqa türlü adlandıramız», – dep qayd etti Kaljulaid.O, gürciler ögünde olarğa ait topraqnıñ bir qısmı işğal etilgenini tanımağa çağırdı.
Mayısnıñ 24-nde birleştirilgen küçler Operatsiyası ştabınıñ matbuat hızmeti, Estoniya prezidenti Kersti Kaljulaid Donbasstaki ayıruv sızığını ziyaret etken çetel devletniñ ilk lideri olğanını haber etken edi.
Donbasstaki silâlı çatışma 2014 senesinden itibaren, Rusiye Qırımnı ilhaq etkeninden berli devam ete. Ukraina ve Ğarp Rusiyeni separatistlerge silâlı yardım köstergeninde qabaatlay. Kreml bu qabaatlavlarnı inkâr ete ve Donbassta olsa bile, rusiyeli «göñülliler» bardır dey. BMTniñ malümatına köre, çatışma esnasında 10 000-den ziyade kişi elâk oldı.
