Link açıqlığı

Saatnıñ esas haberi

Rusiyeli muhalefetçi hurnalist Arkadiy Babçenko sağ, dep haber etti mayısnıñ 30-nda brifingte Ukraina Telükesizlik Hızmetiniñ (SBU) reisi Vasiliy Gritsak.

O, jurnalistniñ zalğa kirgenini rica etti. Babçenko bir ay evelsi onı öldürmek istegenleri bilgeni aqqında ayttı.

Gritsanıñ sözlerine köre, Ukraina Telükesizlik Hızmeti jurnalistniñ öldürilüvinen bağlı planlarnı meydanğa çıqarğan. SBU, öldürivni teşkil etmek içün Rusiye mahsus hızmetleri tatarfından kiralanğan Ukraina G... vatandaşını tevqif etken.

«O, tamam 3 saat evel yaqalandı », – dedi Gritsak.

Babçenkonıñ öldürilgeninen bağlı malümat mayısnıñ 29-nda aqşam peyda olğan edi.

Babçenko Rusiyeni 2017 senesi fevral ayında terk etip, Pragada yaşap turmağa imkânı olsa da, Kyivde qırımtatar ATR telekanalında alıp barıcı olaraq çalışmaqnı saylağan edi.O, özüniñ Rusiyeden ketüv qararını oña qarşı cinaiy iş açılma ihtimali bar dep izah ete.

XS
SM
MD
LG