Link açıqlığı

Saatnıñ esas haberi

«Rusiye siyasiy turğunsızlaşuvnı qızıştıra»: Klimkin Babçenkonıñ ölümi aqqında


Pavlo Klimkin
Pavlo Klimkin

Ukraina tış işleri naziri Pavlo Klimkin BMT Havfsızlıq Şurasınıñ oturışuvında mayısnıñ 29-nda Kyivde elâk olğan rusiyeli jurnalist Arkadiy Babçenko aqqında haber etti.

«Rusiyeli belli jurnalist ve Rusiye rejiminiñ sert bir tenqitçisi Arkadiy Babçenko bugün Kyivde elâk oldı. Taqiqat yapılğan maalde bir hulâsalar çıqarmaq erte. Lâkin Rusiye qızıştırğan siyasiy turğunsızlaşuvnen bağlı acayip bir beñzerlikler mevcut», – dep bildire Ukraina tış işleri nazirligi Klimkinniñ Twitterdeki sözlerini.

Rusiyeli muhalefetçi jurnalist Arkadiy Babçenko mayısnıñ 29-nda aqşam Kyivde öldürildi. Bu vaqia o tükândan qaytqan arada kvartirasına kireyatqanında olğan. Sırtından yaralanğan Babçenko «acele yardım» maşnasında vefat etti.

Ukraina uquqorçalav organları «qastlı öldürilüv» maddesi boyunca cinaiy iş açtı. Politsiya qatil fotorobotını aşkâr etti.

Ayrıca şunı oquñız: Arkadiy Babçenko: «İnfantilizm Rusiyeniñ milliy ğayesine çevirildi»

Babçenko Rusiyeni 2017 senesi fevral ayında terk ete. O, öz qararını oña qarşı cinaiy iş açılma ihtimali bar dep izah ete.

Bundan bir qaç ay evelsi, 2016 dekabr ayında, o TU-154 uçağında, öz arbiylerini Suriyege Yañı yılnen hayırlamağa ketken Rusiye arbiyleri, jurnalistleri ve Aleksandrov adına ansambl artistleri uçaq qazasından ölgenlerine iç acınmağanını bildirgen edi. Bundan soñ Rusiyede Babçenkonı vatandaşlıqtan marum etmek içün imzalar toplanıp başlandı.

Soñki zamanlarda jurnalist Kyivde qırımtatar ATR telekanalında çalışa edi.

XS
SM
MD
LG